O vindeiro luns 4 de decembro, ás 16:00 horas, o Colexio PP. Somascos da Guarda – Fundación Educere organiza un encontro, aberto ás familias, co escritor Álex Alonso, autor do libro Bullying, para un intercambio de impresións e outras actividades. Este acto enmárcase na campaña que está levando a cabo o colexio PP. Somascos contra o bullying ou acoso escolar, no marco do seu Plan de Convivencia. A principal actividade desta campaña foi a lectura nos cursos da ESO do citado libro Bullying de Álex Alonso, seleccionado a tal fin polo Equipo de Dinamización Lingüística, en torno ao cal estanse a realizar traballos curriculares e probas académicas. Todo este obradoiro rematará o mencionado luns 4 de decembro nun encontro co autor ao que, reiteramos, están invitadas todas as familias que desexen ou poidan acudir.
CPR. Padres Somascos - Fundación Educere 